कौलारू घर

एक कौलारू घर मस्त 

घरामागची पडवी प्रशस्त 

पलीकडे पोफळीची बाग खास

बागेत एक विहीर झकास 

तेथून जाणारी एक पाउलवाट 

नेऊन सोडते केवड्याच्या वनात 

वनाच्या पलीकडचा किनारा रुबाबदार 

त्याच्या पायाशी लोळणारा समुद्र निळाशार 

सागराचे वास्तव्य क्षितीजापर्यंत थेट 

तिथे त्याची होते आकाशाची भेट

आकाशात दरवळणारा लाल मातीचा सुवास

आहे की नाही आमच्या कोकणात बात काही खास!!!!

-तेजश्री