मुखवटे

मुखवटे हसरे रडू मनात दाबलेले 
मुखवटे प्रसन्न वास्तवात कोमेजलेले 
मुखवटे शूरवीर प्रत्यक्षात खूप बिथरलेले 
मुखवटे समजूतदार खरतर शंकांनी दाटलेले 
मुखवटे कणखर आतून मात्र मऊ लोण्यासारखे 
मुखवटे सुंदर गोजिरे प्रत्यक्षात विक्षिप्त काजळलेले 
असंख्य लोक फिरतात लावून बेधडक हे मुखवटे 
अन करतात खोट्याचे खरे अन खऱ्याचे खोटे 
खोट बोलण सोप्प अन स्वाभाविकच 
पण मनाशी प्रामाणिक असण तितकच महत्वाच 
कोणत्याही कारणासाठी जगासमोर कितीही मिरवले 
तरी स्वतःशी मात्र प्रामाणिकच असलेले 
असेच मुखवटे 'किमया' करतात 
माणूस म्हणून योग्य न्याय देतात 
- तेजश्री