ठरवले आज होते ....

ठरवले आज होते 

स्वर सतारीतून काढायचे 

धुंद मनाला करण्या 

आज तिला विनवायाचे 

ठरवले आज होते 

फुलपाखरा सांगायचे 

फुलाची समजूत काढण्या 

आज त्याला मनवायाचे 

ठरवले आज होते 

नदीला वाहते करायचे 

काही अडकले काढण्या 

आज तिला हसवायचे 

ठरवले आज होते 

घुंगराच्या बोलात रमायचे 

तालाच्या संगतीत 

राधेला कृष्णाशी मिळवायचे 

ठरवले आज होते 

चंद्राला खुदकन हसवायचे 

चांदणी संगे फिरण्या 

आज त्याला सोडायचे 

ठरवले आज होते 

आठवणींना न थांबावयाचे 

अडकले शब्द जे जे

आज तुझ्यापुढे उघडायचे 

तेजश्री 

२६.०१.२०१३