आठवण

वारा बोचणारा सुटला, आणि निसरडी झाली वाट
आठवण काढण्यासाठीच तुझी, जणू येते रोज रात

गंध दाटे नभात तुझ्या सहवासाचा
आज मात्र एक एक क्षण, विरहात काढण्याचा

द्वंद्व तुझ्या-माझ्यात उगाच लटके
शब्द मात्र काढती एकमेकांचे लचके

मग पाठोपाठ पुन्हा, जातात एकामागून एक राती
झोप उडून नयनांची, ओली मात्र होते उशी

किती प्रेम, किती विश्वास किती अपेक्षा आणि किती श्वास
अडकले एकमेकांत म्हणून तर रोखून धरतात प्राण बास !

तेजश्री
२३.६.२०१३