रेष

तुझ्या माझ्यात आपण एक रेषा आखली तर 

परिस्थितीने ती उल्लंघाया भाग पाडले तर ?

पाळताना बंधने, बंध मी तुला  नाही घालणार

मात्र चंद्राने चांदणीला नजरकैद केले तर? 

मी तुला माझा हो अस कधी नाही म्हणणार  

समोर तू आल्यावर भाव नेत्रातून झरले तर ?

नाही कळून देणार नाते अपुल्या मधले 

मात्र निकटी तू येता नजर फितूर झाली तर 

व्यथा, संकटांची चिखल फेक चालूच असणार 

त्यातही सुखाची निल कमले फुलली तर? 

तेजश्री 

१९.११.२०१२