गुपित

वाटे मला कितीदा, सगळे तुला सांगावे 

गुपित राखले जुने ते, तुझ्या पुढे उघडावे 

सांगावयाचे होते, ह्या आधीच तुला ते 

कसे ते सांगावे? काहीच समजत नव्हते 

भीती ऊरात होती, तुला गमावण्याची 

मित्रत्वाच नातेही, क्षणात संपण्याची 

अवघड किती असे हे, गुपित पोटी राहणे 

तुझ्या विश्वासाला, क्षणोक्षणी जपणे 

विश्वासाला जपूनदेखील, मान होता राखायाचा 

नव्हता अपमान तुझा, तुझ्याच नजरेत करायचा 

नाहीच कळले मैत्रीचे नाते कधी प्रेमात बदलणे

प्रेमाच्या पावतीला मागणीचे नवखे नसणे 

एका डोळ्यात स्वप्ने साठवून उद्याची 

दुसऱ्या डोळ्यात मात्र सावली अश्रुंची  

मन नव्हते तयार नकार तुला द्यावयाला 

बहाणे कितीक केले मागणी टाळण्याला

भास तयार केला तिसरा कोन प्रेमाला  

तुझ्याहून श्रेष्ठ तो उत्तम जीवन साथीला 

सहन नाही होत आता तुझ्याशी खोटे बोलणे 

नाही राहवत आता गुपित पोटी जपणे 

नसेन सोबती मी, जीवनी तुझ्याच संगे 

मन आता माझे ईश्वरचरणीच दंगे 

काळाचे आग्रहाचे मला आता बोलावणे 

आता नाहीच शक्य कुठलेच मार्ग टाळणे 

काही दिनाची सोबत उरी साठवूनी घे तु 

काळाच्या परीक्षेला निर्धाराने सामोरा जा तु 

असेल सत्व परीक्षा जरी ही जीवनाची 

नकोस हरू जिद्द असशील जरी एकटाची   

साठवली आठवणीची, ही पिसे जन्मभराची  

जागी ते ठेवतील साक्ष त्या सर्व क्षणांची 

 

शाल उबेची विणली मी त्याच पिसांची 

आज सुफुर्त करते निशाणी अखेरची 

तेजश्री 

२४.०९.२०११