राधा कृष्ण

रंग लावला श्रीहरीने, राधिकेस आज
रोमांच अंगी, उमटली गालावरती लाज
नटखट कान्हा राधेसंगे खेळतो रासगाणी
बावरी करी सुटकेसाठी लटकी विनवणी
धरला हात केवळ मी, बोलला श्रीरंग
लावून घे सखे तु , माझ्या प्रेमाचा रंग
प्रित बोल बोलली, हरीची बासरी
हरखून गेली क्षणात, राधाही बावरी
भिजला हरी अन भिजली गवळण
अवघा रंग एक बोले कृष्ण  कृष्ण कृष्ण
तेजश्री

वेळ नाही

वेळ नाही
पैसे कमवले रग्गड
पण खर्चायला वेळ नाही
whats app skype वर लांबच गप्पा  प्रत्यक्ष भेटायला मात्र वेळ नाही
पोट पहिले नियम अजाणता
जाणुन भुक तरीही जेवायला वेळ नाही
भाव डोळ्यातून वाहून गेले
पुसायलाही वेळ नाही
धडपडले रक्ताळले पडले
तरीही उठण्यासही वेळ नाही
शब्द उतरवायला देखील
आज वेळ नाही आज वेळ नाही आज वेळ नाही.....

चांदणे

तुझी प्रीत मजवर 

जणू मंद दुग्ध चांदणे 

थंड शीत समीराची 

भावनिक आंदोलने 

लाभला सूर त्यास 

झाले 'जीवन' गाणे 

सुगंध दरवळला  

रातराणी फुलल्याने 

साथ तुझी अतूट 

मोहमयी जाणीवेने 

स्पंदने उमटली 

हृदयातील ममतेने 

मंजुळ पावा नादला  

ऐकला गगनाने  

घेतली शपथ आज 

रवि-शशी साक्षीने 

रंगून जाईल प्रवास 

सुरेल संगीताने  

तेजश्री 

०९.०१.२०१५