उन

हिरवी झाडं आज झाली उन उन 

झाडात झंकारली पाखराची धुन 

निळे कपाशी मेघ झाले आज उन उन 

ढगापाठी पाऊसही लपला उन होवून 

गुलाबी थंडीत स्पर्श तुझा उन उन 

स्पर्षातला कापरा भाव आलारे कोठून? 

डोळे अन्यथा जिवंत, जाहले आज शुष्क उन 

वेचले दृष्टीआडचे अश्रु, न पाझरले नयनातून 

नको सख्यारे विचार आणूस का पावसानंतर येई उन?   

नविन दिशा सापडत असते तुटलेल्याच स्वप्नातून........  

तेजश्री 

१३.११.२०११ 

कवडसा

उन्ह कवडसा खेळे 

कौलारू घरदार 

रेंगाळला त्याचा

तो स्पर्षं उबदार 

कैक दिसांनी रमे 

तान्हुला दिनभर 

पायापासून कळस 

गाठे सरसर 

जुळला कवडश्याचा

कौलासंगे सूर 

बोचऱ्या थंडीचे सल 

गेल उडून भूर 

खुलला तांबडा 

कौलाचा वर्ण  

पूरक कवड्याचा

रंग सुवर्ण 

कौल- कवडश्याच 

जुळल सुत न्यार 

निर्लेप मैत्रीच 

नात प्यार

तेजश्री

१०.११.२०११