श्वास

पानाचा झाडात

माश्याचा पाण्यात 

फुलाचा देठात 

आईचा पिलात

नदीचा सागरात 

माउलीचा विठलात 

पृथ्वीचा सूर्यात 

अंधाराचा प्रकाशात 

माझा तुझ्यात 

अडकलाय श्वास अडकलाय 

तेजश्री 

सहवास

शब्द नको

अर्थ नको 

लाभूदेत फक्त सहवास

प्रश्न नको

उत्तर नको

अनभवूदेत तुझा श्वास

शंका नको 

स्पष्टीकरण नको 

हवा फक्त विश्वास 

दुभाजक नको

फाटे नको 

एकसंध व्हावा सहप्रवास 

तेजश्री 

प्रेम

प्रेम असावं पाऊसासारख दृढ मिठीत येणारं

प्रेम असावं वाऱ्यासारख सुखद गारवा देणारं

प्रेम असावं फुलासारखं स्वतःच्या धुंदीत डोलणार 

प्रेम असावं पक्षासारख धुंद हवेवर झोकून दिलेलं 

प्रेम असावं झाडासारख धीरगंभीर पाय रोवलेल 

प्रेम असावं कस हे शब्दापेक्षा अनुभवानीच कळाव 

प्रत्येकानेच एकदा तरी आयुष्यात प्रेम करून पहावं

प्रेमातच जन्माव प्रेमातच जगावं 

प्रेमाच्या जोडीला फक्त प्रेमच असावं

तेजश्री 

दान

न मागताच दिलस इतक, आकाशही खाली झुकलं
न सांगता केलस सार, प्रतिबिंबही लाजलं

समजुतीने घेतलं म्हणून, सारच सोप्प झालं
आपुलकीनी जाणलस म्हणून गोडीगुलाबित सवरलं

दुनिया सारी गोल गोल नुसतीच फिरत राहिली
एक इच्छा पूर्ण करता दुसरी मात्र अर्धवट राहिली

जगाकडून अपेक्षा करण मी केव्हाचच सोडून दिल
तुझ्याकडून मिळालेल्या अनपेक्षित दानानी मात्र समाधान मिळाल

तेजश्री

शब्दांचे अर्थ

हळव्या कळीचे शब्द भासे दलाला पोरके  

शब्दात दडला अर्थ काही न केल्या उमगे 

कोवळ्या पानाला आज कैक अठ्यांनी घेरले 

अजाणत्या वयात का हे पोक्त पण लाभले 

रातीचा चंद्र तरुण, निश्चल अबोल भ्रमला 

ध्येयशून्य भ्रमंतीत सारे जीवन का बुडाला 

वृद्ध आकाश अचल उबेची शाल गुरफटले 

लाभलीच नाही त्यास कितीही मनी चिंतले 

शब्द आणि अर्थ म्हणजे दोन किनारे लांब ते 

वाटे जेथे भेटतील अचूक, नेमके तेथेच दुरावते 

 

तेजश्री 

हे अस किती दिवस चालायचं?

सगळ विसरून मीच का जायचं 

मीच का नेहमी पुढे येऊन बोलायचं? 

हे अस किती दिवस चालायचं? 

त्यान निव्वांत कट्यावरती बसून राहायचं 

आणि मीच का मात्र हजार शंकांनी फिरायचं 

हे अस किती दिवस चालायचं? 

त्यान केलेल्या सवालांना मी नम्रतेने उत्तरायच 

आणि माझ्या प्रश्नांना मात्र विटी दांडू प्रमाणे उडवायचं 

हे अस किती दिवस चालायचं? 

नेहमी समजूतदार मीच का व्ह्यायचं?

लहान असून मोठे झाल्याच का भासवायच 

हे अस किती दिवस चालायचं? 

ताणल की तुटेल भीतीने मीच का सैल करायचं 

दुसऱ्या टोकाने मात्र ताण ताण का ताणायचं 

हे अस किती दिवस चालायचं?   

दरवेळीच मी अपमानित का व्ह्यायचं 

दरवेळीच मुग गिळून का गप्प बसायचं

हे अस किती दिवस चालायचं? 

भावनांना फक्त त्याच्याच का जपायचं 

माणूस म्हणूनच स्वतःला का डावलायच 

हे अस किती दिवस चालायचं? 

- तेजश्री