भिजलीये मी तुझा आठवणीत
मला खूप बोलायचंय तुझ्याशी
खेळायचं मला तुझ्या शब्दांशी
आणि आणि टेकायचय डोक तुझ्या खांद्यावर
पण मला तू मिळताच नाहीयेस
तुझ्याकडे मात्र अज्जीबातच वेळ नाहीये
काय कराव आता ?
पुन्हा चढायचाय डोंगर एका दमात
पुन्हा पोहायचं बेधुंद तलावात
पुन्हा चोरायच्यात गाभूळलेल्या चिंचा
पुन्हा वेचायचं सडा प्राजक्ताचा
पण हे करायला सोबतच नाहीये
तुझ्याकडे मात्र अजिबातच वेळ नाहीये
काय कराव आता?
पुन्हा चढवायच्या आहेत तुझ्यावर भेंड्या
पुन्हा खेळायच्या आहेत सागरगोट्या
पुन्हा पायचाय चहा तुझ्यातालाच अर्धा
पुन्हा दाखवायचा आहे तुटणारा तारा
पण तुझ्याकडे मात्र अजिबातच वेळ नाहीये
काय कराव आता?
पुन्हा उडवायचाय पतंग एकदा
ढोल ताशावर नाचायचं पुन्हांदा
पुन्हा भटकायचं तुझ्याबरोबर जंगलात
उकरून दाखवायचाय तुळशीतला दात
पण तुझ्याकडे मात्र अजिबातच वेळ नाहीये
काय कराव आता?
पुन्हा जमवायच्या आहेत रंगीत काचा
पुन्हा बांधायचा आहे बंगला पत्त्यांचा
पुन्हा द्यायचाय तुला घास लाडवातला
पुन्हा पकडायचाय पैसा पावसातला
पण तुझ्याकडे मात्र अजिबातच वेळ नाहीये
काय कराव आता?
तेजश्री
०९.०७.२०१३
