अचानक दाटून आलेले काळे सावळे मेघ
चरर्र उमटलेली काळजातली रेघ
भरून आल उर खुळ्या आठवणींनी
पाणावले डोळे अन, थपथपली पापणी
सरकत होते मेघ पुढे मागे
हुलकावत एखादा मधेच पांगे
कडाडे म एखादी विदुला
शिरशिरी येई अंगाला
आठवणींनी झाली लाही लाही
वाऱ्याची फुंकर रेंगाळे दिशा दाही
वार्याचाही मग वाटे राग
फुंकरीने पेटून उठली जर आग?
कुठून आणणार बरसणारा मेघ
चर्रर उमटलेली काळजातली रेघ
कोंडून गेला प्रकाश सगळा
श्वास तसा क्षणभर अडकला
हरवली दिशा हरवली आशा
खड्यात पडलेल्या कोकराची दशा
खचला आत्मविश्वास खचली प्रेरणा
अंधारली पाऊलवाट ढग काळोखताना
ठेचकाळली पाऊले जखमा झाल्या
वेदना सार्या ढगाआड झाकोळल्या
अचानक दाटून आले मेघ
चर्रर्र उमटलेली काळजातली रेघ ........
तेजश्री
१८.०६.२०१२
